മാഞ്ചസ്റ്റര്‍: മാഞ്ചസ്റ്ററിലെ എത്തിഹാദ് സ്റ്റേഡിയത്തില്‍ ഈ രാത്രി തീപ്പൊരിപ്പോരാട്ടം. യുവേഫ ചാമ്പ്യന്‍സ് ലീഗ് 2026-27 പോരാട്ടത്തിലെ രണ്ടാം റൗണ്ടില്‍ ഇംഗ്ലീഷ് ക്ലബ് മാഞ്ചസ്റ്റര്‍ സിറ്റി എഫ്‌സി, നിലവിലെ ചാമ്പ്യന്മാരായ ഫ്രഞ്ച് ക്ലബ് പാരീസ് സെന്‍റ് ജെര്‍മെയ്‌നും തമ്മിലാണ് ഈ വമ്പന്‍ പോരാട്ടം. ആദ്യറൗണ്ടില്‍ പിഎസ്ജി 6-1നു സ്ലോവന്‍ ബ്രാറ്റിസ്ലാവയെയും മാഞ്ചസ്റ്റര്‍ സിറ്റി 2-0നു എഫ്‌സി പോര്‍ട്ടോയെയും തോല്‍പിച്ചു. തുടര്‍ച്ചയായ രണ്ടാം ജയമെന്നതാണ് ഇരുടീമിന്‍റെയും ലക്ഷ്യം.
നേര്‍ക്കുനേര്‍ ചരിത്രം
യൂറോപ്യന്‍ പോരാട്ടങ്ങളില്‍ മാഞ്ചസ്റ്റര്‍ സിറ്റി എഫ്‌സിയും പിഎസ്ജിയും നേര്‍ക്കുനേര്‍ ഇറങ്ങുന്നത് ഇത് എട്ടാം തവണ. കഴിഞ്ഞ ഏഴ് ഏറ്റുമുട്ടലുകളില്‍ മാഞ്ചസ്റ്റര്‍ സിറ്റി എഫ്‌സി നാലു ജയം സ്വന്തമാക്കി. പിഎസ്ജി രണ്ടു ജയം നേടിയപ്പോള്‍ ഒരു മത്സരം സമനിലയില്‍ കലാശിച്ചു.
2026-27 സീസണില്‍ ഇതുവരെ ഒരു മത്സരത്തില്‍ മാത്രമാണ് മാഞ്ചസ്റ്റര്‍ സിറ്റി എഫ്‌സി തോല്‍വി വഴങ്ങിയത്. ഓഗസ്റ്റില്‍ നടന്ന എഫ്എ കമ്യൂണിറ്റി ഷീല്‍ഡ് കിരീടപോരാട്ടത്തില്‍ ആഴ്‌സണല്‍ എഫ്‌സിയോട് (2-0). പിന്നീട് ഈ സീസണില്‍ കളിച്ച എട്ടു മത്സരങ്ങളിലും എന്‍സൊ മരെസ്‌കയുടെ കുട്ടികള്‍ പരാജയം അറിഞ്ഞിട്ടില്ല. ഇന്ത്യന്‍ സമയം അര്‍ധരാത്രി 12.30നാണ് പിഎസ്ജി x മാഞ്ചസ്റ്റര്‍ സിറ്റി എഫ്‌സി കിക്കോഫ്.
മറുവശത്ത് പിഎസ്ജി ജയ-പരാജയങ്ങളുമായി ഉയര്‍ന്നും താഴ്ന്നും നില്‍ക്കുന്നു. അവസാനം കളിച്ച അഞ്ചു മത്സരങ്ങളിലും പിഎസ്ജി ജയമാഘോഷിച്ചെന്നതും ശ്രദ്ധേയം.
ലിവര്‍പൂള്‍, റയല്‍ മാഡ്രിഡ്
ഇംഗ്ലീഷ് ക്ലബ് ലിവര്‍പൂള്‍ എഫ്‌സി, സ്പാനിഷ് വമ്പന്മാരായ റയല്‍ മാഡ്രിഡ് തുടങ്ങിയ ക്ലബ്ബുകളും ഈ രാത്രി കളത്തിലുണ്ട്. രണ്ടാം ജയമാണ് ഇവരുടെയും ലക്ഷ്യം. സീസണിലെ ആദ്യമത്സരത്തില്‍ ലിവര്‍പൂള്‍ 2-1നു സ്പാനിഷ് ക്ലബ്ബായ അത്‌ലറ്റിക്കോ മാഡ്രിഡിനെ കീഴടക്കിയിരുന്നു. ഹോം ഗ്രൗണ്ടില്‍ നടന്ന ആദ്യ റൗണ്ടില്‍ റയല്‍ മാഡ്രിഡ് 2-1ന് ഇറ്റാലിയന്‍ കരുത്തരായ ഇന്‍റര്‍ മിലാനെയും വീഴ്ത്തി.
Deepika
Corehub Solutions
E-paper LOGIN
LOGIN
